Сіноптыкі расказалі, якое надвор'е будзе ў Беларусі ў выходныя
1- 17.09.2021, 20:03
- 16,110
Агучаны прагноз на 18 і 19 верасня.
Аранжавы ўзровень небяспекі абвясцілі сіноптыкі ў Беларусі ў суботу, 18 верасня, праз моцныя дажджы. Пра гэта паведамілі ў Белгідрамеце.
«18 верасня (субота) уночы па Гарадзенскай і Берасцейскай абласцях чакаюцца моцныя дажджы, раніцай і ўдзень у многіх раёнах краіны чакаюцца моцныя дажджы і ўзмацненне ўсходняга, паўднёва-ўсходняга ветру парывамі да 15-20 м/с», - сказана ў паведамленні.
Непагадзь чакаецца і ў Менску.
«У Менску 18 верасня (субота) раніцай і ўдзень чакаецца ўзмацненне ўсходняга, паўднёва-ўсходняга ветру парывамі да 15-20 м/с, у дзённыя гадзіны па горадзе -часамі моцны дождж», - дадалі сіноптыкі.
Агулам у суботу будзе воблачна. На большай частцы тэрыторыі Беларусі пройдуць дажджы. Вецер усходні, паўночна-ўсходні сярэдні, уночы парывісты, раніцай і ўдзень на большай частцы тэрыторыі моцны парывісты.
Слупкі тэрмометраў уночы пакажуць ад +3°С на поўначы да +13°С на поўдні краіны. Днём паветра прагрэецца ўсяго да +6.. +12°С, па Гомельскай вобласці будзе да +15°С.
У нядзелю, 19 таксама будзе пераважаць воблачнае надвор'е. Часам пройдуць дажджы, уночы ў асобных раёнах Беларусі - моцныя дажджы. Вецер усходні, паўночна-ўсходні парывісты, уночы месцамі моцны парывісты. Тэмпература паветра ўначы будзе ў межах +3.. +9°С, на паўднёвым усходзе краіны чакаецца да +11°С. Удзень слупкі тэрмометраў паднімуцца да +5.. +12°С, у паўднёва-ўсходніх раёнах месцамі будзе да +15°С.
Холадна і дажджліва будзе і ў панядзелак, 20 верасня. Тэмпература паветра ўдзень чакаецца ўсяго +5.. +12°С.