Ілжэ-дылеры: як беларусу не патрапіць на махляроў пры куплі аўто ў камісійных крамах

Важна сачыць за нюансамі.

А вы ведалі, што пры куплі дарагога аўто ці матацыкла ў камісіёнцы вы можаце пазбавіцца часткі грошай, калі з нейкіх прычын тавар давядзецца вярнуць і запатрабаваць сродкі назад? І чаму пасярэднікі вельмі настойлівыя ў просьбах і пераканаўчыя ў аргументах, калі паказаная сума ўгоды перавышае 14 500 рублёў? Пра гэта ў матэрыяле onliner.by.

Уся справа ў падпункце 1.1 пункта 1 Указа ад 2014.10.16 №493 «Аб развіцці безнаяўных разлікаў». У ім пазначана, што пры продажы тавару за наяўныя сродкі ўстаноўленая мяжа ў суме 14 500 рублёў. Калі яна перавышаная, разлік павінен весціся ў безнаяўнай форме. Ілжэ-дылерам такі фармат невыгодны, таму пры афармленні праз рахунак-даведку яны ўсімі праўдамі і няпраўдамі пераконваюць пакупніка паказаць суму, ніжэйшую за гэтую мяжу. Маўляў, і вам зручна - не трэба «свяціць» вялікія сумы, указваць потым крыніцы даходаў і т. д. Многія згаджаюцца.

Пры гэтым не ўсе кліенты аўтахаўса разумеюць, што ў выпадку неабходнасці вяртання тавару праз суд (аўто можа быць скрадзенае, у закладзе ці проста неналежнай якасці) у пазове будзе фігураваць менавіта тая сума, якая пазначаная ў рахунку-даведцы. Часткай 3 артыкула 13.13 КоАП РБ устаноўлена, што прыём юрыдычнай асобай або індывідуальным прадпрымальнікам пры продажы тавараў, выкананні работ, наданні паслуг аплаты гатоўкай ад фізічнай асобы ў суме, якая перавышае гранічную аплату гатоўкай, устаноўлены заканадаўчымі актамі, цягне накладанне штрафу на індывідуальнага прадпрымальніка ў суме да ста базавых адзінак, а на юрыдычную асобу - да двухсот базавых адзінак.