Заўтра ў Беларусі зноў падаражэе бензін

Гэта 27-е змяненне коштаў на аўтамабільнае паліва сёлета.

З 14 верасня ў Беларусі максімальныя раздробныя адпускныя кошты на дызельнае паліва і аўтамабільны бензін павялічацца на 1 капейку. Пра гэта паведамілі ў прэс-службе «Белнафтахіма».

З 14 верасня кошт 1 літра бензіну АІ-92-К5-Еўра складзе 1 рубель 97 капеек, АІ-95-К5-Еўра - 2 рублі 7 капеек, АІ-98-К5-Еўра - 2 рублі 29 капеек, ДТ - 2 рублі 7 капеек.

Гэта 27-е змяненне коштаў на аўтамабільнае паліва сёлета. Апошні раз кошт паліва змяняўся 7 верасня: дызель і бензіны падаражэлі на 1 капейку.