Продажы новых аўтамабіляў ва Украіне рэкордна выраслі
4- 1.09.2021, 20:01
- 4,128
Гэта найлепшы вынік жніўня за апошнія восем гадоў.
Украінцы ў жніўні набылі 8,5 тысяч новых легкавых аўто. Гэта на 22% больш, чым у жніўні летась. Гэта найлепшы вынік жніўня за апошнія восем гадоў, паведамляе Укравтопром.
Па-ранейшаму самымі папулярнымі аўтамабілямі ў жыхароў Украіны з'яўляюцца транспартныя сродкі маркі RENAULT. Гэтых машын зарэгiстравана 1 274 адзінкі. Тым не менш, у параўнанні са жніўнем 2020 года рэалізацыя новых «французаў» ва Украіне знізілася на 4,5%.
Не змяніла свае пазіцыі японская марка TOYOTA - 1 260 рэгістрацый (+10%).
На трэцім месцы папулярнасці ва Украіне - КIА. Аўто гэтай маркі набыло 840 пакупнікоў, 603 з якіх аддалі перавагу красоверу KIA Sportage.
Чацвёрты вынік у NISSAN - 446 аўто (+59%).
Пяцёрку замыкае SKODA. У гадавым вылічэнні попыт на гэтыя аўто вырас на 49% да 438 аўто.
Таксама ў ТОП-10 жніўня 2021 паводле папулярнасці:
MITSUBISHI - 373 аўто (+63%)
VOLKSWAGEN - 370 аўто (-34%)
CHERY - 367 аўто (+151%)
HYUNDAI - 347 аўто (+2%)
SUZUKI - 297 аўто (-4%).
Усяго са студзеня да жніўня сёлета ўкраінцы набылі і паставілі на ўлік 66,7 тысячы новых легкавых аўтамабіляў, што на 27% больш, чым за аналагічны перыяд летась.