29 сакавiка 2024, Пятніца, 12:13
Падтрымайце
сайт
Сім сім,
Хартыя 97!
Рубрыкі

Навукоўцы: Запасы кіслароду на Зямлі з'явіліся праз запаволенне кручэння планеты

10
Навукоўцы: Запасы кіслароду на Зямлі з'явіліся праз запаволенне кручэння планеты

Павелічэнне даўжыні сутак дазволіла аднаму з відаў бактэрый вырабляць больш кіслароду.

Запасы кіслароду на Зямлі, магчыма, сфармаваліся дзякуючы паступоваму запаволенню кручэння планеты, паведамляе «Голас Амерыкі».

Падаўжэнне светлавога дня дазволіла пэўнай форме водарасцяў вылучаць больш кіслароду ў якасці пабочнага прадукту метабалізму.

Даследаванне, апублікаванае ў панядзелак у навуковым часопісе Nature Geoscience, прыйшло да высновы, што блізу 2,4 мільярда гадоў таму ў зямной атмасферы было так мала кіслароду, што ніякае расліннае або жывёльнае жыццё ў тым выглядзе, у якім мы яе ведаем, не магло існаваць.

Значная частка жыцця на Зямлі складалася з маленькіх мікраарганізмаў, сярод якіх была сіне-блакітная форма водарасцяў – цыянабактэрыі, якія ўдыхаюць вуглякіслы газ і выдыхаюць кісларод у самай ранняй форме фотасінтэзу.

Даследнікі сцвярджаюць, што блізу 400 мільёнаў гадоў таму Зямля здзейсніла даволі вялікі скачок у аб'ёме кіслароду ў атмасферы, які вырас з практычна непрыкметнага ўзроўню да дзясятай часткі таго кіслароду, які ёсць цяпер.

Даследнікі мяркуюць, што праз запаволенне кручэння Зямлі даўжыня сутак павялічылася з прыкладна шасці да цяперашніх 24 гадзінаў.

Больш доўгія дні далі цыянабактэрыям больш сонечнага святла для вытворчасці дастатковага аб'ёму кіслароду, каб забяспечыць планету паветрам, прыдатным для дыхання.

Напісаць каментар 10

Таксама сачыце за акаўнтамі Charter97.org у сацыяльных сетках