МЗС Літвы пра Лукашэнку: З тэрарыстамі размаўляць нельга

Дыктатару лепш рыхтавацца да новых санкцый.

У літоўскага боку ёсць шмат сведчанняў, якія паказваюць, што плынь мігрантаў арганізуецца з боку Беларусі. Пра гэта ў эфіры радыёстанцыі «Эхо Москвы» заявіў намеснік міністра замежных справаў Літвы Мантас Адоменас.

Паводле словаў чыноўніка, супрацоўніцтва з беларускімі памежнікамі прадаўжалася да сакавіка гэтага года

– Яны пры прад'яўленні пасведчання прымалі назад гэтых людзей, якія нелегальна перасякалі мяжу. Яны перасталі супрацоўнічаць. А потым у нас пачалі з'яўляцца доказы прамога ўмяшання. Апошні з іх – агентурай Еўразвязу кадры, дзе варанок беларускіх памежнікаў суправаджае групу бежанцаў аж да мяжы. І як толькі яны фіксуюць, што іх здымаюць, яны адразу ж з'язджаюць у лес, – расказаў намеснік міністра.

Мантас заявіў, што ў літоўскага боку ёсць «шмат сведчанняў, якія паказваюць, што плынь мігрантаў арганізуецца» з боку Беларусі.

– Аж да ліпеня арганізоўваўся агентурамі падуладнымі Аляксандру Лукашэнку і іх падвоз да літоўскай мяжы быў ажыццёўлены беларускімі памежнікамі, – сказаў ён.

Адоменас таксама заявіў, што не бачыць перспектывы ў дыялогу з Лукашэнкам для развязання праблемы з мігрантамі.

– Спроба дыялогу з беларускім бокам была ў памежнікаў, быў наладжаны даволі працоўны настрой. Пасля спынення супрацоўніцтва мы пісалі афіцыйныя ноты, на якія не было ніякага адказу. А паколькі Лукашэнка заявіў, што будзе пускаць мігрантаў у Літву і іншыя краіны ЕЗ, і выкарыстаў гэта як шантаж, то дыялог страціў сэнс, таму што з тэрарыстамі размаўляць ужо нельга, – сказаў чыноўнік.

На ягоную думку, Лукашэнка такім чынам хацеў зняць санкцыі з боку Еўразвязу.

– Бо санкцыі, якія былі прынятыя, гэта было ў адказ на 500 з нечым палітвязняў на 100 тысяч збітых і рэпрэсаваных, арыштаваных людзей. Калі ён думае, што сваімі мігрантамі ён можа зняць гэтыя санкцыі... то не. Адзіны шлях – гэта свабодныя дэмакратычныя выбары пад наглядам і вызваленне ўсіх палітвязняў, тады можна будзе здымаць гэтыя санкцыі. А калі ён будзе прадаўжаць шантажаваць мігрантамі, то будуць новыя санкцыі ў адказ на гэтую гібрыдную атаку супраць Літвы і Еўразвязу, – падкрэсліў намеснік міністра.