Муж Ціманоўскай: Маме Крысціны ўжо тэлефанавалі з адміністрацыі Лукашэнкі

Помсны Таракан не дае спакою бацькам лёгкаатлеткі.

Муж Крысціны Ціманоўскай Арсень Зданевіч расказаў, што маме спартоўкі тэлефанавалі з адміністрацыі Лукашэнкі, паведамляе «Трыбуна».

– Калі вы з'язджалі з Беларусі, то не баяліся за родных, якія засталіся на Радзіме?

– Не схаваю, былі і ёсць асцярогі за маіх бацькоў, за бацькоў Крысціны. Цяпер трымаю з імі сувязь. Так, яны моцна перажываюць, але нічога страшнага пакуль не здарылася.

Адзінае, маме Крысціны ўжо тэлефанавалі з адміністрацыі Лукашэнкі, задавалі нейкія пытанні. Падрабязнасцяў гутаркі не ведаю, але такі званок быў.

– Была інфармацыя, што да мамы Крысціны, як мяркуецца, з Менска выязджалі сілавікі.

– Гэтая інфармацыя не зусім дакладная. Ні ўчора, ні сёння да яе ніхто не ездзіў. Было толькі тэлефанаванне.

– Не баіцеся, што хтосьці ўсё ж прыедзе?

– Вядома, страх ёсць. Нашы бацькі немаладыя, не хацелася б іх моцна непакоіць. Але нічога выключаць нельга. Хоць, прабачце, чаму бацькі павінны адказваць фактычна ні за што? – сказаў Зданевіч.