Кіраўнік МЗС Украіны: Важна раскрыць усю праўду пра трагічную смерць Шышова
4- 3.08.2021, 17:31
- 7,098
Дзмітрый Кулеба выказаў спачуванні родным і блізкім беларуса.
Кіраўнік украінскага МЗС Дзмітрый Кулеба пракаментаваў у сацсетках гібель у Кіеве кіраўніка Беларускага дома ва Украіне Віталя Шышова. «Я шакаваны трагічнай весткай аб смерці беларускага актывіста... - піша ён у Twitter. - Украіна зробіць усё магчымае для расследавання гэтай справы: важна раскрыць усю праўду пра ягоную трагічную смерць».
Кулеба выказаў спачуванні родным і блізкім беларуса.
Віталь Шышоў знік 2 жніўня ў Кіеве. На наступны дзень яго знайшлі павешаным у парку. Паліцыя праводзіць расследаванне. Экспэрты знайшлі на целе Шышова невялікія траўмы, якія маглі з'явіцца пры падзенні. Асноўнымі версіямі следства з'яўляюцца самагубства і наўмыснае забойства, замаскаванае пад суіцыд.