Медыкі распавялі, які прадукт варта ўжываць перахварэлым на COVID-19
6- 3.08.2021, 16:13
- 10,296
У ім шмат антыаксідантаў.
Перахварэлым на каранавірус парэкамендавалі есці кавуны. Ягады багатыя на антыаксіданты, напрыклад, на вітамін C. Аб гэтым медыкі распавялі РІА «Новости».
Паводле слоў лекаркі-тэрапеўта Алены Ціхаміравай, гэты прадукт змяшчае выяўленую антыаксідантную ахову, якая афарбоўвае яго ў чырвоны колер.
Гэтак жа мяркуе і педыятр Марына Лерман. Яна ўпэўненая, што станоўчыя ўласцівасці кавуна могуць падняць настрой, вывесці таксіны і дзындры, а таксама ўмацаваць сэрцава-судзінную сістэму.
Аднак педыятр папярэдзіла, што не варта сумяшчаць кавун з малочнымі і кісламалочнымі прадуктамі, бо павялічваецца шанец харчовага атручвання, асабліва ў спякоту. Таксама ягады не варта есці з салёнымі і тлустымі прадуктамі.