Украінская паліцыя распавяла аб новых падрабязнасцях гібелі Віталя Шышова

Кіраўнік Нацпаліцыі правёў брыфінг.

Сёння ў кіеўскім парку знайшлі засіленым Віталя Шышова, які ўчора ўвечары пайшоў на прабежку і не вярнуўся. Віталь Шышоў - заснавальнік грамадскай арганізацыі Беларускага дома ва Украіне. Віталь з'ехаў з Беларусі ўвосень 2020 года праз боязь за сваю бяспеку. У БДУ ён дапамагаў рэлакантам, арганізоўваў пратэстныя акцыі беларусаў у Кіеве, прасоўваў законапраекты, якія дапамагаюць беларусам ва Украіне, праз звароты ў дзяржорганы і фармаваў актыўную дыяспару беларусаў.

МУС Украіны правяло брыфінг і падзялілася некаторымі дэталямі, якія сталі вядомыя следству.

Учора, 2 жніўня, Шышоў выйшаў з дому на вуліцы Бударына (Жытомірскі кірунак). Камеры назірання ў пад'ездзе зафіксавалі, у што ён быў апрануты, у якім кірунку рухаўся.

Кіраўнік Нацпаліцыі Ігар Кліменка распавёў, што каля цела Шышова знайшлі мабільны тэлефон, таксама быў чыйсьці след.

Побач стаялі пянькі, прыводзіць дэталі 24tv.ua. Пры гэтым, распавялі яны, цела знайшлі ў цяжкадаступнай мясцовасці, між тым у пянькоў роўныя спілоўкі.

Вышыня ад пятлі да зямлі складала 3 метры 8 сантыметраў. Вышыня першага пянька - 60 сантыметраў, другога - 50. Побач быў яшчэ адзін такі ж пянёк. Рост Віталя быў 185 сантыметраў. Вяроўка была складзеная ў 4 пласты.

Кліменка распавёў пра траўмы Шышова. У яго была здзёртая скура на назе, ранкі на левым калене і на грудзях, а таксама пацёртасці на верхняй частцы вуснаў.

Экспэртыза вызначыць, ці былі гэта сляды ад збіцця.

Асноўнымі версіямі, якія разглядаюць праваахоўнікі, з'яўляюцца самагубства і наўмыснае забойства, якое імітуе самагубства.