Кітайскія хакеры ўпершыню атакавалі Расею

Групоўка АРТ31 выкарыстоўвае новы спосаб сачэння за аб'ектамі нападу.

Хакерская групоўка АРТ31, вядомая шматлікімі нападамі на дзяржструктуры розных краін, упершыню атакавала расейскія кампаніі. Пра гэта РБК паведамілі прадстаўнікі кампаніі Positive Technologies.

Паводле звестак кампаніі, у першым паўгоддзі 2021 года групоўка АРТ31, акрамя дзеянняў у Расеі, правяла амаль дзесяць шкоднасных рассылак у Манголіі, ЗША, Канадзе і Беларусі.

АРТ31, таксама вядомая як Hurricane Panda і Zirconium, актыўная з 2010-х гадоў. Хакеры атакуюць к асноўным дзяржсектар.

Апошнім часам зламыснікі выкарыстаюць новы спосаб сачэння за «ахвярамі». Яны пасылаюць фішынгавыя лісты, у якіх змяшчаецца спасылка на дамен, які імітуе дамен дзяржорганаў. Пры яе адкрыцці ў ПК трапляе вірус аддаленага доступу. Ён стварае на прыладзе шкоднасную бібліятэку і ўсталёўвае спецыяльны дадатак. Потым запускае адну з функцый бібліятэкі, і кіраванне ПК пераходзіць у рукі хакераў.