Дырэктара Беларускага дома ва Украіне Віталя Шышова знайшлі павешаным

У якасці адной з версій разглядаецца забойства, замаскаванае пад суіцыд.

Дырэктара Беларускага дома ва Украіне Віталя Шышова знайшлі павешаным у адным з кіеўскіх паркаў, паведамляе ўправа Нацыянальнай паліцыі ў Кіеве.

У якасці адной з версій разглядаецца забойства, замаскаваную пад суіцыд.

Нагадаем, учора раніцай беларус выйшаў на прабежку і дадому не вярнуўся.

Да з'яўлення афіцыйнай інфармацыі шэраг тэлеграм-каналаў паведаміў, што кіраўнік Беларускага дома Віталь Шышоў быў знойдзены павешаным на дрэве ў лесапаласе Святашынскага раёна, на мяжы Кіева і Кіеўскай вобласці, недалёка ад пасёлка Чайкі. Яго мабільны тэлефон знаходзіўся побач.

«Беларускі дом ва Украіне» - арганізацыя, якая займаецца ў тым ліку і пытаннямі беларускіх палітычных уцекачоў. Дапамагае ім знайсці жыллё і працу, атрымаць кансультацыі юрыстаў.