Кудрын паставіў дыягназ расейскай эканоміцы: «зжыла сябе»

Расея так і не перайшла ад эканомікі попыту да інвестыцыйнай мадэлі.

Старшыня Падліковай палаты РФ Аляксей Кудрын заявіў, што расейская эканамічная мадэль зжыла сябе. З яго слоў, Расея так і не перайшла ад эканомікі попыту да інвестыцыйнай мадэлі і застаецца абмежаванай унутраным спажываннем. Каб ад гэтага сысці, уважае спадар Кудрын, неабходна развіваць экспарт.

«Мы эксплуатуем старую мадэль эканомікі, якая сябе ўжо зжыла і не дасць патрэбнага выніку. Эканоміка ў агульным не стварае якіх-небудзь прарыўных якасцяў, новых тавараў, - заявіў Аляксей Кудрын у інтэрв'ю РБК. – Мы павінны стаць больш канкурэнтаздольнымі для экспарту. Наогул экспарт для расейскай эканомікі - гэта бясконцы сусвет. Эканоміка попыту абмежаваная унутраным спажываннем, падсілкоўваннем нафты - гэта старая мадэль. Калі мы становімся больш канкурэнтаздольнымі, прарываемся на знешні рынак, то гэты попыт становіцца бясконцым».

На думку старшыні Падліковай палаты, якасны экспарт дазволіў бы Расеі выйсці на ўзровень ВУП 4-5% у год. Гэта мэтавы для краіны са слоў прэзідэнта Уладзіміра Пуціна. Спадар Кудрын назваў цяперашнія тэмпы эканамічнага росту досыць нізкімі.