Pfizer і Moderna падвысілі цану сваіх вакцын

Pfizer падаражэла на 25%, Moderna падвысіла цану прыкладна на 10%.

Фармацэўтычныя кампаніі Moderna і Pfizer абвясцілі аб павышэнні цаны сваіх вакцын супраць каранавіруса. Пра гэта паведаміла выданне Financial Times са спасылкай на кантракты аб пастаўках. У публікацыі гаворыцца, што вакцыны абедзвюх кампаній паказалі сваю дзейснасць.

Pfizer падаражэла на 25%. Цяпер цана адной дозы на еўрапейскім рынку складае € 19,50 (ранейшая была € 15,5).

Moderna падвысіла цану прыкладна на 10%. У апошніх кантрактах на пастаўку ў ЕЗ цана вакцыны Moderna складае $ 25,50. У першай закупнай угодзе адна доза каштавала блізу $ 22,60, паведамляецца ў публікацыі газэты Financial Times.

Трэцяя квадра выпрабаванняў вакцын Pfizer і Moderna паказала больш высокую эфектыўнасць гэтых прэпаратаў у параўнанні з вакцынамі кампаній AstraZeneca і Johnson & Johnson.

Еўрапейская камісія і ўрады краін ЕЗ пагадзіліся заплаціць больш высокую цану, каб забяспечыць пацверджаныя пастаўкі з еўрапейскіх фабрык-вытворцаў.

Moderna пацвердзіла ранейшую пазіцыю: пагадненні аб меншых аб'ёмах будуць выконвацца за вышэйшую цану.

Прадстаўнік кампаніі Pfizer ухіліўся ад каментароў з нагоды цаны вакцыны для ЕЗ.