«Індыйскі» штам каранавіруса выявілі ў 132 краінах
2- 30.07.2021, 19:05
- 1,652
Пра гэта заявіў генеральны дырэктар САЗ.
Штам каранавіруса «Дэльта» зафіксавалі ў 132 краінах, захворванне на COVID-19 працягвае расці. Пра гэта заявіў 30 ліпеня генеральны дырэктар Сусветнай арганізацыі здароўя (САЗ) Тэдрас Адханом Гебрэесус на брыфінгу, які транслявалі на сайце арганізацыі, паведамляе gordonua.com.
«У сярэднім, у пяці рэгіёнах САЗ захворванне павялічылася на 80% або падвоілася за апошнія чатыры тыдні. У Афрыцы захворванне павялічылася на 80%. У большасці выпадкаў гэта адбывалася праз штам «Дэльта», які выяўлены цяпер ужо ў 132 краінах і хутка распаўсюджваецца» , - заявіў Гебрэесус.
У САЗ папярэдзілі, што ў будучыні магчымае з'яўленне іншых штамаў каранавіруса.