Дэфіцыт бюджэту Беларусі вырас да 1,5 мільярда рублёў

Чыноўнікам ізноў давялося перагледзець прагнозныя паказчыкі.

Рэспубліканскі бюджэт Беларусі ў студзені-чэрвені 2021 года выкананы з дэфіцытам у сумы 1,56 млрд беларускіх рублёў, гаворыцца ў паведамленні міністэрства фінансаў, паведамляе «Інтэрфакс».

У студзені-чэрвені дэфіцыт рэспубліканскага бюджэту вырас да 2% ВУП з 1,5% ВУП за пяць месяцаў.

Пры гэтым чыноўнікі чарговым разам перагледзелі прагноз па дэфіцыту бюджэту на 2021 год. Цяпер ён чакаецца на ўзроўні 6 млрд рублёў.

Першапачаткова дэфіцыт бюджэту на гэты год быў запланаваны ў суме 4 млрд рублёў, але пазней ён быў павялічаны да 5,6 млрд рублёў, затым зноў пераглядаўся. Раней улады заяўлялі, што рэфінансаваць дэфіцыт плануюць за кошт рэшткаў сродкаў бюджэту мінулых гадоў і новых дзяржаўных запазычанняў.