У працы двух банкаў адбыліся збоі

Аўтаматычна спісалі грошы з картак.

У працы двух банкаў - «МТБанка» і «Прыёрбанка» - сёння назіраліся збоі. Кліенты першага банка часова не маглі расплаціцца карткамі, а ў другім адбылося аўтаматычнае спісанне грошай з крэдытных карт, піша zerkalo.io.

Кліенты «Прыёрбанка» паведамляюць, што сутыкнуліся са спісаннем грошай з карт. «Сёння аўтаматычна спісалі грошы з крэдытных карт, хоць нічога імі не аплачвалі», - распавёў чытач.

«Спецыялісты ў курсе і ўжо разбіраюцца з гэтай праблемай. Абмяркоўваецца спосаб вяртання», - паведамілі ў кантакт-цэнтры «Прыёрбанка» блізу 15.10.

Кліенты «МТБанка» скардзіліся сёння, што не могуць аплаціць тавары і паслугі банкаўскімі картамі. «Карткі не працуюць. Датэлефанавацца ў банк немагчыма», - распавёў адзін з кліентаў банка.

«Былі непаладкі пры аплаце картамі, на гэты момант працаздольнасць аднавілі», - паведамілі ў «МТБанку» блізу 15.10.

29 ліпеня ля «МТБанка» таксама назіраліся цяжкасці пры здзяйсненні аперацый з выкарыстаннем банкаўскіх аплатных картак, а таксама аперацый па картах іншых банкаў у прыладах «МТБанка».

26 ліпеня ў «МТБанку» паведамілі, што ў сувязі ў абнаўленнем працэсінгу маглі назірацца праблемы пры правядзенні p2p-пераводаў на карты MasterCard іншых банкаў у сэрвісах p2p-пераводаў МТБанка. У банку ўдакладнялі, што «правялі міграцыю на новую версію працэсінгу Cortex». Пасля гэтага работа банкаматаў была адноўленая.