Ізраіль першым у свеце ўхваліў трэцюю COVID-прышчэпку

У Ізраілі будуць рэвакцынаваць людзей старэйшых за 60 гадоў.

Міністэрства аховы здароўя Ізраіля прыняло рашэнне рэвакцынаваць грамадзян старэйшых за шэсцьдзесят гадоў трэцяй дозай вакцыны ад каранавіруса, паведамляе Тimes of Israel у чацвер, 29 ліпеня.

Такім чынам, Ізраіль стаў першай заходняй краінай, дзе пройдзе рэвакцынацыя насельніцтва.

Трэцюю прышчэпку ад каранавіруса змогуць зрабіць грамадзяне, з моманту атрымання другой прышчэпкі у якіх прайшло пяць месяцаў.

Трэцюю дозу пачнуць уводзіць з 1 жніўня.