Amazon і Ford уклалі $2,5 млрд у канкурэнта Tesla

За два гады ў Rivian ужо інвеставалі больш за $10,5 млрд.

Стартап вытворчасці электракараў Rivian прыцягнуў $2,5 млрд інвестыцый. Раўнд узначалілі карпарацыя Amazon, аўтаканцэрн Ford Motor і інвесткампаніі T. Rowe Price, паведамляе прэс-служба Rivian.

Rivian збіраецца накіраваць $2,5 млрд на маштабаванне праграм выпуску аўто і нарошчванне вытворчых магутнасцяў. Таксама кампанія зоймецца развіццём міжнародных продажаў. За два гады ў Rivian ўжо інвеставалі больш за $10,5 млрд.

У кампаніі абвясцілі пра новыя інвестыцыі на наступны дзень пасля заявы пра магчымасць адкрыць другі завод зборкі аўто. Ён уключаў бы вытворчасць акумулятарных элементаў.

Пры гэтым Rivian затрымлівае выпуск сваіх электракараў праз пандэмію. Між іншым, электрычны пікап R1T выпусцяць у верасні замест ліпеня. Выпуск электрычнага пазадарожніка R1S адклалі да восені, заявіў на мінулым тыдні гендырэктар кампаніі Ар-Джэй Скарыдж.

«Паколькі мы набліжаемся да пачатку вытворчасці аўтамабіляў, жыццёва важна, каб мы працягвалі глядзець наперад і набліжацца да наступнай фазы росту Rivian», - заявіў Скарындж.

Rivian - амерыканскі стартап, заснаваны ў 2009 годзе Ар-Джэем Скарыджам. Кампанія распрацавала і вертыкальна інтэгравала падключаную электрычную платформу. У 2018 годзе Rivian прадставіла пазадарожнік R1S і пікап R1T. Таксама кампанія паставіць 100 000 спецыяльных фургонаў для Amazon. Тэхніку вырабляюць на заводзе кампаніі ў штаце Ілінойс.