Робата навучылі граць на піяніна

«Мяккага» робата стварылі ў ЗША.

У ЗША стварылі робата і навучылі яго граць на піяніна. Вынікі эксперыменту былі апублікаваныя ў навуковым часопісе PLOS One.

Спецыялісты з Каліфарнійскага ўніверсітэта ў Рыверсайд удакладнілі, што гаворка ідзе пра так званых «мяккіх» робатаў, якія створаны з матэрыялаў, падобных да тканак жывых арганізмаў. Прылада атрымала некалькі маніпулятараў з пнеўматычным прывадам, якія з'яўляюцца аналагамі чалавечых пальцаў. Кожны такі палец для кіравання падключылі да васьмібітнага чыпа ARM і пнеўматычнага механізму.

Прынцып працы мяккага «робата-піяніста» заключаецца ў націску канкрэтнай клавішы музычнага інструмента ў пэўны момант часу. Атмасферны ціск у камеры кожнага маніпулятара рэгулюецца з дапамогай двайковых каманд: адзінка - ціск павялічваецца, нуль - памяншаецца. У выніку падобнай схемы робат атрымлівае простыя сігналы ад працэсара і націскае або адпускае клавішу піяніна.

Вар'іруючы камбінацыі атмасфернага ціску і вакууму ў каналах на чыпе RAM, даследчыкі змаглі прымусіць робата прайграваць ноты, акорды і нават цэлую песню. Спецыялісты паказалі, як створаны імі робат змог зайграць кампазіцыю Mary Had a Little Lamb.

Спецыялісты падсумавалі, што зробленыя імі напрацоўкі дадуць магчымасць пашырыць сферы ўжывання мяккіх робатаў. Між іншым, іх можна будзе выкарыстоўваць для ўзаемадзеяння з пацыентамі, якія маюць праблемы апорна-рухальнага апарата.