УЕФА скасаваў правіла выязнога гола

Новаўвядзенне ўвойдзе ў дзеянне з сезона-2021/22.

Саюз еўрапейскіх футбольных асацыяцый (УЕФА) прыняў пастанову скасаваць правіла выязнога гола ва ўсіх клубных турнірах пад сваёй эгідай.

Як паведамляе афіцыйная Twitter-старонка УЕФА, новаўвядзенне ўвойдзе ў дзеянне з сезона-2021/22.

Адзначаецца, што ў выпадку роўнага рахунку паводле вынікаў двухматчавага супрацьстаяння гульня будзе пераходзіць у авертайм (два экстра-тайма па 15 хвілін) і, у выпадку неабходнасці, будзе праводзіцца серыя пенальці.

Нагадаем, правілы выязнога гола выкарыстоўвалася ў Лізе чэмпіёнаў і Лізе Еўропы. Паводле гэтага правіла, калі паводле вынікаў двух матчаў раўнда на вылет у каманд быў нічыйны лік, далей праходзіла тая каманда, якая больш забіла на выездзе.

Гэтае правіла дзейнічала з сезона-1965/66 калі УЕФА ўкараніў яго ў Кубак уладальнікаў Кубкаў.