У кампаніі Pfizer заявілі аб высокай эфектыўнасці сваёй вакцыны ад COVID-19 супраць штаму «Дэльта»
3- 24.06.2021, 16:20
- 4,586
Заяўляецца аб 90% эфектыўнасці прышчэпкі.
Вакцына супраць каранавіруса ад Pfizer/BioNTech мае высокую эфектыўнасць супраць штаму «Дэльта». Пра гэта радыёстанцыі Army Radio 24 чэрвеня паведаміў прадстаўнік кампаніі Pfizer у Ізраілі Алон Рапапорт, яго цытуе Reuters (пераклад - «Гордон»).
Са слоў Рапапорта, звесткі з месцаў, дзе «індыйскі» штам выцесніў «брытанскі» варыянт каранавіруса, сведчаць аб 90% эфектыўнасці вакцыны Comirnaty ў прадухіленні COVID-19.
У той жа час у Міністэрстве аховы здароўя Ізраіля заявілі, што звестак для поўнага ўяўлення аб эфектыўнасці вакцыны ад Pfizer/BioNTech супраць штаму «Дэльта» пакуль недастаткова. У краіне зафіксавалі амаль 200 выпадкаў заражэння «індыйскім» варыянтам віруса SARS-CoV-2.
Reuters, спасылаючыся на звесткі аналізу выканаўчага агенцтва Міністэрства аховы здароўя Вялікай Брытаніі Public Health England, адзначае, што вакцыны ад Pfizer/BioNTech і AstraZeneca ў 90% выпадкаў абараняюць ад шпіталізацыі праз штам «Дэльта».