Амбасадар Польшчы жартоўным малюнкам адказаў амбасадару Швэцыі на мем пра зборную Украіны
2- 24.06.2021, 11:56
- 11,518
Дыпламаты ацанілі спартовы гумар адзін аднаго.
Амбасадар Польшчы ва Украіне Барташ Ціхоцкі жартоўным малюнкам адказаў на твіт амбасадара Швэцыі Тобіяса Тайберга з нагоды выхаду зборнай Украіны ў плэй-оф Еўра-2020, піша nv.ua.
Швэдскі амбасадар у сябе ў Twitter апублікаваў карцінку, на якой намаляваная брыгада будаўнікоў, дзе працуе толькі адзін (зборная Швэцыі), астатнія назіраюць (зборная Украіны). Свой мем ён падпісаў: «Заўсёды рады дапамагчы».
Always happy to oblige! pic.twitter.com/mJmomiLADr
— Tobias Thyberg (@TobiasThyberg) June 23, 2021
Польскі амбасадар адказаў Тайбергу ўласнай карцінкай: на фота намаляваны злы гулец зборнай Польшчы Каміль Глік і подпіс: «Усміхаецца па-польску».
— Bartosz Cichocki (@B_Cichocki) June 23, 2021
Зборная Украіны ўпершыню ў гісторыі прабілася ў 1/8 фіналу чэмпіянату Еўропы-2020 у футболе пасля перамог Гішпаніі над Славакіяй і Швэцыі над Польшчай у заключным туры групавога этапу.
У выпадку перамогі над Швэцыяй у плэй-оф выйшлі б палякі і пакінулі б зборную Украіны за бортам турніру.