Лукашэнку адрэзалі ад валюты

ЕЗ уводзіць эканамічную блакаду рэжыму.

Еўразвяз узгадніў пакет жорсткіх эканамічных санкцый супраць Беларусі, якія адрэжуць рэжым Аляксандра Лукашэнкі ад даходаў у цвёрдай замежнай валюце.

Санкцыйны пакет, які задуманы як адказ на прымусовую пасадку рэйса Ryanair у Менску, уключае сектаральныя санкцыі супраць ключавых тавараў беларускага экспарту.

Еўропа забароніць пакупкі ў Беларусі нафты, нафтапрадуктаў і калійных угнаенняў, паведамляе Reuters са спасылкай на дыпламатаў.

Са слоў крыніц агенцтва, санкцыйны пакет быў узгоднены пасля таго, як свае пярэчанні зняла Аўстрыя - адзіны сябра ЕЗ, які заклікаў змякчыць захады.

У пакет санкцый таксама ўвойдуць абмежаванні на фінансавы сектар - забарона на крэдыты, аперацыі з каштоўнымі паперамі і інвестыцыйныя паслугі.

Акрамя гэтага, прадугледжваецца ўзмацненне жорсткасці забароны на пастаўкі зброі, якую рэжым Лукашэнкі выкарыстоўвае для падаўленне пратэстаў, удакладняе дыпламатычная крыніца AFP.

Шырокія меры накіраваны на тое, каб «ударыць Лукашэнку па кашальку», падкрэслівае ён: «Мы гаворым пра санкцыі, якія прычыняць боль».

Канчатковае зацвярджэнне пакета, як чакаецца, адбудзецца на сустрэчы кіраўнікоў МЗС ЕЗ у панядзелак, 21 чэрвеня.

Вынікам санкцый стане ўдар па прытоку цвёрдай замежнай валюты ў беларускую эканоміку, які на палову забяспечаны перапродажам расейскай нафты, набытай па ільготных коштах, прадуктамі яе перапрацоўкі, а таксама калійнымі ўгнаеннямі.

З красавіка найбуйнейшы ў краіне НПЗ «Нафтан» трапіў пад амерыканскія санкцыі, пасля чаго еўрапейскія банкі адмовіліся крэдытаваць яго пастаўкі, а расейскія нафтавікі прыпынілі забеспячэнне сыравінай, баючыся патрапіць пад другасныя захады Упраўлення кантролю за замежнымі актывамі.

Выразаны з даляравай зоны, сектар беларускай нафтаперапрацоўкі цяпер пазбавіцца доступу і да разлікаў у еўра, а ў «чорных спісах» кампанію беларускім НПЗ складзе «Беларуськалій».

У суме на продажы нафтапрадуктаў і ўгнаенняў у 2019 годзе Беларусь зарабіла 7,5 млрд даляраў - 55% усяго валютнага даходу, які паступіў ад экспарту ў далёкае замежжа (13,6 млрд даляраў).

Валютны голад абяцае эканоміцы складанасці з пагашэння замежнай запазычанасці, які складаў 42,1 млрд даляраў на 1 студзеня.

Пры гэтым золатавалютныя рэзервы Нацбанка складае ўсяго 7,76 млрд даляраў, з якіх толькі 3,194 млрд прыпадае на рэальную валюту, а рэшта размешчаная ў золаце і неліквідных актывах.