Найбагацейшы мільярдэр Расеі пагадзіўся падзяліцца прыбыткам на патрабаванні Крамля

Аляксей Мардашоў заявіў, што «гатовы плаціць за права на працу».

Расейскі бізнэс пачуў заяву прэзідэнта Уладзіміра Пуціна пра тое, што вывад звышпрыбыткаў праз дывідэнды падчас крызісу недапушчальны. Пра гэта ў інтэрв'ю Financial Times заявіў кіраўнік і суўладальнік «Плўначсталі» Аляксей Мардашоў - найбагацейшы чалавек Расеі з багаццем 29,1 млрд даляраў, на ацэнку Forbes, піша finanz.ru.

Са слоў Мардашова, буйны бізнэс гатовы рэінвеставаць даходы, каб пазбегнуць росту падатковай нагрузкі, пра магчымасці якога Пуцін заявіў у красавіку.

Адзначыўшы, што прыбытак карпаратыўнага сектара абяцае быць рэкордным, нягледзячы на праблемы ў эканоміцы, Пуцін заявіў, што ўлады маюць намер заахвочваць тыя кампаніі, якія інвестуюць, а не тыя, якія плацяць дывідэнды.

За год дзяржава будзе прымаць пастановы аб магчымай перабудове падатковага заканадаўства, заявіў прэзідэнт.

Праз некалькі тыдняў першы віцэ-прэм'ер Андрэй Белавусаў «выставіў рахунак» металургічным кампаніям на 100 млрд рублёў, а ФАС распачала справу, убачыўшы прыкметы картэльнай змовы пасля імклівага росту коштаў металу.

Да кампаній, якія агрэсіўна выводзяць сродкі з дапамогай дывідэндаў, трэба ўжываць прагрэсіўныя стаўкі падатку на прыбытак, папярэдзіў прэм'ер Міхаіл Мішусцін.

«Важна прызнаць, што спадар Пуцін - гэта прэзідэнт і лідар нашай краіны, і ён выказаў у значнай ступені тое, што мае на ўвазе кожны расеец», - пракаментаваў сітуацыю Мардашоў. «У грамадстве з’явіўся пэўны запыт, - прызнаў ён. - Ёсць патрэба ў сацыяльнай справядлівасці і інтэграцыі. І я мяркую, што вялікі бізнэс павінен звяртаць на гэта ўвагу».

Расейскі бізнэс, са слоў Мардашова, гатовы плаціць за «права на працу» і палічыў бы за найлепшае зрабіць гэта шляхам рэінвеставання свайго прыбытку, як просіць прэзідэнт, а не праз выплату дадатковых падаткаў.

Пакупніцкая здольнасць у Расеі падае, «і гэта з'яўляецца адной з вялікіх праблем», сказаў кіраўнік «Поўначсталі», дадаўшы, што некаторыя галіны эканомікі дэманструюць рост дабрабыту на фоне зніжэння ўзроўню жыцця насельніцтва.