29 сакавiка 2024, Пятніца, 8:16
Падтрымайце
сайт
Сім сім,
Хартыя 97!
Рубрыкі

Кіраўнік Дзярждэпу расказаў пра магчымасць адключэння Расеі ад SWIFT

9
Кіраўнік Дзярждэпу расказаў пра магчымасць адключэння Расеі ад SWIFT

Энтані Блінкен назваў умовы, пры якіх ЗША разглядаюць «кожны разумны варыянт».

Дзяржсакратар ЗША Энтані Блінкен распавёў, ці магчымае адключэнне Расеі ад сістэмы SWIFT у выпадку працягу агрэсіі супраць Украіны.

«Не хачу гаварыць пра нейкія гіпатэтычных крокі, якія мы можам зрабіць у будучыні. Скажу вось што: калі гаворка ідзе пра тое, каб стрымаць агрэсію, ці пра тое, каб адказаць, мы разгледзім кожны разумны варыянт», - адзначыў Блінкен у інтэрв'ю «Радыё Свабода».

Паводле ягоных слоў, ЗША будуць адказваць, «калі Расея працягне рабіць неабдуманыя, агрэсіўныя крокі або ў дачыненні да Украіны, або ў дачыненні да іншых нашых партнёраў».

«Не з мэтай эскалацыі, не таму, што нам патрэбны канфлікт, а таму, што такія дзеянні не могуць заставацца без адказу, не могуць быць беспакаранымі... Але я шчыра спадзяюся на тое, што Расея разумее: мы ўважаем за лепшае больш стабільныя і прадказальныя стасункі. Але ўрэшце, гэта залежыць ад Расеі - ад таго, што яна робіць, і таго, што не робіць», - падкрэсліў дзяржсакратар.

29 красавіка Еўрапарламент прыняў рэзалюцыю, у якой заклікае спыніць імпарт расейскай нафты ў ЕЗ і адключыць Расею ад міжнароднай сістэмы міжбанкаўскіх плацяжоў SWIFT.

Гэта зробяць неадкладна, калі нарошчванне войскаў РФ прывядзе да ўварвання Расеі ва Украіну.

SWIFT - гэта міжнародная міжбанкавая сістэма перадачы інфармацыі і здзяйснення плацяжоў. Адключэнне краіны ад гэтай сістэмы азначае яе фактычную ізаляцыю.

Напісаць каментар 9

Таксама сачыце за акаўнтамі Charter97.org у сацыяльных сетках