Ізраільскі лекар расказаў, ці трэба прышчапляцца ад каранавіруса перахварэлым

Засцерагае ад віруса кожная вакцына з даведзенай бяспекай.

Усім перахварэлым людзям рэкамендуецца адна доза вакцыны для замацавання аховы ад каранавіруса. Пра гэта ў інтэрв'ю выданню «Гордон» заявіў медыцынскі дырэктар Першага медцэнтра Тэль-Авіва Юрый Ранькоў.

«Паводле сцвярджэнняў Сусветнай арганізацыі аховы здароўя пасля выпрацоўкі натуральнага імунітэту неўзапбаве падае тытр антыцелаў. Таму перахварэлым людзям рэкамендуецца адна доза вакцыны для замацавання аховы. Усім перахварэлым абавязкова трэба прышчапіцца», - падкрэсліў доктар.

Ён адзначыў, што ахову ад віруса гарантуе кожная вакцына з даведзенай бяспекай.

«Нас часта пытаюцца, якая вакцына найлепшая? Мы можам абмяркоўваць адсоткі, узровень антыцелаў, лічбы. Але калі гаворка ідзе пра здароўе, я, як і мае калегі, сцвярджаю: усякая вакцына лепш, чым без вакцыны. Калі пацверджаная бяспека прэпарата, ён адназначна можа ўжывацца. Гэта значна бяспечней, чым быць непрышчэпленым і рызыкаваць уласным жыццём і жыццямі навакольных людзей. Іншая справа, што ў многіх краін права выбару як такога ўжо няма. Ва ўсім свеце цяпер адзначаецца недахоп вакцын. Дамаўляцца ў такіх варунках неабходна, хоць і складана», - сказаў Ранькоў.