Святлана Алексіевіч анансавала кнігу рэвалюцыі ў Беларусі
2- 8.04.2021, 21:15
- 8,234
Пісьменніца не толькі сустракаецца з людзьмі і запісвае іх апавяданні, але і атрымлівае поштаю іх успаміны.
Пісьменніца, нобелеўская лаўрэатка Святлана Алексіевіч у інтэрв'ю нямецкай газеце Süddeutsche Zeitung анансавала кнігу пра падзеі ў Беларусі пасля прэзідэнцкіх выбараў 2020 года. Яна не толькі сустракаецца з людзьмі і запісвае іх апавяданні, але і атрымлівае па пошце іх успаміны.
Алексіевіч сказала нямецкім журналістам, што, на яе погляд, беларусы жывуць «паміж двума небяспекамі - Лукашэнкам і Расеяй». «Мы хочам стварыць незалежную квітнеючую краіну, - працягвае беларуская пісьменніца. - Але як? Я пісьменніца, не палітык, у маёй кнізе я шукаю адказ на гэтае пытанне».
Святлана Алексіевіч разважае пра беларускія пратэсты і падкрэслівае іх мірны характар, называе «своеасаблівай негвалтоўнай рэвалюцыяй». «Мы хацелі гэтага [перамогі] дабіцца без праліцця крыві, - кажа пісьменніца. - Гэта быў ідэалістычны план».
Алексіевіч з верасня 2020-га жыве ў Нямеччыне.