29 сакавiка 2024, Пятніца, 11:34
Падтрымайце
сайт
Сім сім,
Хартыя 97!
Рубрыкі

Стаў вядомы спіс прэтэндэнтаў на прэмію Анемпадыстава

Стаў вядомы спіс прэтэндэнтаў на прэмію Анемпадыстава
ШОРТ-ЛІСТ НАМІНАНТАЎ НА ПРЭМІЮ АНЕМПАДЫСТАВА
КАЛАЖ BELSAT.EU ПРАДСТАЎЛЕНЫ АРГАНІЗАТАРАМ КОНКУРСУ

На прэмію намінаваліся 28 кніг.

Журы прэміі імя Міхала Анемпадыстава за найлепшую кніжную вокладку абвясціла кароткі спіс прэтэндэнтаў на ўзнагароду, паведамляе belsat.eu.

На прэмію намінаваліся 28 кніг. У кароткі спіс журы выбрала 6 вокладак:

Анатоль Лазар - аўтар вокладкі кнігі «Беларуская нацыянальная ідэя», Зміцер Лукашук, Максім Гаруноў. Медысонт, 2020. (Менская абласная экспэртная камісія ў ацэнцы інфармацыйнай прадукцыі дала выснову, што кніга змяшчае «прыкметы праявы экстрэмізму»).

Кацярына Даманнікава, Андрэй Ганчарук - аўтары вокладкі кнігі «Лотас на асфальце», Алесь Плотка. Люта Справа, 2020.

Павел Дарохін - аўтар вокладкі кнігі «Нарысы сучаснага краязнаўства», Збых Слупоўскі. Галіяфы, 2020.

Павел Дарохін - аўтар вокладкі кнігі «Папяросы», Юрый Іздрык (пераклад на беларускую - Алесь Плотка). Галіяфы, 2020.

Алена Дашкевіч - аўтарка вокладкі кнігі «Простыя словы. Міхал Анемпадыстаў». Stowarzyszenie Młodych Twórców - «Ku Teatrowi» (сувыдавец - Agencja Wydawnicza Ekopress), 2020.

Наталля Паваляева - аўтарка вокладкі кнігі «ROT», Юлія Цімафеева. Янушкевіч, 2020.

Кароткі спіс выбіраўся рэйтынгавым галасаваннем: чальцы журы ацэньвалі кожную вокладку паводле дзесяцібальнай шкалы, ацэнкі сумаваліся.

У складзе цяперашняга журы літаратарка і архівістка Вольга Бабкова, графік, дызайнер і фатограф Адам Бароўскі, дызайнер і каліграф Генадзь Мацур, дызайнерка Кацярына Пікірэня, мастачка Антаніна Слабодчыкава.

Ініцыятыва адзначаць найлепшую вокладку беларускай кнігі належыць беларускаму ПЭН-цэнтру супольна са Звязам беларускіх дызайнераў і «лятучым універсітэтам», а таксама польскім партнёрам ТАА «H&L» і фондам «Адкрытая культура». Генеральным партнёрам прэміі з'яўляецца тэлеканал «Белсат».

Прэмія заснавана ў 2019 годзе ў памяць пра чалавека многіх талентаў - мастака, паэта, фатографа, дызайнера, публіцыста, культуролага Міхала Анемпадыстава, які пайшоў з жыцця тры гады таму. Першым пераможцам прэміі стаў Рыгор Кацнельсон за вокладку кнігі «Віленскі покер» Рычарда Гавяліса, у 2020 годзе прэмію атрымала дызайнерка Кацярына Пікірэня за вокладку кнігі «Трое ў чоўне і пёс з імі» К. Джэрама.

Напісаць каментар

Таксама сачыце за акаўнтамі Charter97.org у сацыяльных сетках