СМІ: Выбухі ў Врбетыцэ, атручэнне Гебрава і Смаленская катастрофа - гэта справа адных і тых жа рук

Паведамляе пра ніці, што злучаюць гэтыя справы.

Элітнае падраздзяленне ГРУ 29115, якое арганізавала выбухі на складзе боепрыпасаў у чэшскай вёсцы Врбетыцэ ў 2014 годзе, у выніку якіх загінулі два чалавекі, праз некалькі месяцаў удзельнічала ў атручванні балгарскага зброевага магната Эміліяна Гебрава, які меў намер прадаць зброю Украіне. Як паведамляе «Польское радио», пра гэта паведамляе Gazeta Polska.

Балгарскі бізнэсовец Эміліян Гебраў павячэраў у адным з гатэляў у балгарскай сталіцы з польскімі і расейскімі бізнэсоўцамі, а неўзабаве пасля гэтага трапіў у кому. Паводле звестак балгарскіх СМІ, польскія бізнэсоўцы з'яўляліся прадстаўнікамі кампаніі Polit Elektronik, якая вяла справы з балгарскім збройнікам, але таксама незадоўга да Смаленскай катастрофы перадала польскі прэзідэнцкі самалёт Ту-154М на рамонт прадпрыемству паплечніка Пуціна, вядомага расейскага алігарха Алега Дзерыпаскі.

16 лютага 2009 года Міністэрства абароны Польшчы афіцыйна абвясціла тэндар на капітальны рамонт урадавых самалётаў Ту-154М, з прычыны чаго ўсяго праз некалькі дзён кампанія Polit Elektronik, быўшы незарэгістраванай у Нацыянальным суднавым рэестры і нават не маючы ўласнага сайта, выйграла яго і адразу падпісала кантракты з будучымі расейскімі падрадчыкамі і субпадрадчыкамі: «Авіякарам» з Самары, «Тупалевым» з Масквы і «Гідраўлікай» з Уфы.

Пры гэтым у дамове ёсць даволі цікаўны момант, «Тупалеў» і «Гідраўліка» адразу ж абавязаліся «не пастаўляць рамонтныя элементы для капітальнага рамонту самалётаў Ту-154М №№ 90А837, 90А862, якія належаць Міністэрству нацыянальнай абароны Рэспублікі Польшча».

Тым самым расейцы далі зразумець, што рамантаваць Ту-154М будзе кампанія «Авіякар», - звяртае ўвагу Gazeta Polska, што яшчэ раз ставіць пытанне пра прычыны катастрофы прэзідэнцкага борта ў Смаленску, у выніку чаго загінула 96 чалавек, у тым ліку прэзідэнт Польшчы Лех Качыньскі.