Гульцы варшаўскай «Легіі» далучыліся да акцыі салідарнасці са спартоўцамі Беларусі
1- 3.04.2021, 19:48
- 2,406
«Легія» - дзейны чэмпіён Польшчы і ў гэтым сезоне лідзіруе ў футбольным турніры.
Футбалісты варшаўскай «Легіі» далучыліся да акцыі салідарнасці з вольнымі спартоўцамі Беларусі, а таксама выказалі падтрымку Фонду спартыўнай салідарнасці, піша «Трибуна».
«Выдатна разумеючы, што адбываецца ў Беларусі, дзе рэпрэсіі чыняцца практычна да кожнай групы грамадзян, сярод якіх ёсць і футбольныя фанаты, і атлеты - спартоўцы і фанаты «Легіі» наважылі прадэманстраваць сваю падтрымку.
Каб паказаць беларускаму народу, што ў гэтыя цяжкія моманты ён не самотны ў сваёй барацьбе», - гаворыцца ў паведамленні.
Адзначым, што пад 25-м нумарам на фота экс-гулец БАТЭ Філіп Младэнавіч.
«Легія» - дзейны чэмпіён Польшчы і ў гэтым сезоне лідзіруе ў турніры, набраўшы 48 балаў.