У Балгарыі загарэўся склад зброевага завода
3- 28.04.2021, 21:01
- 6,112
Полымя не кранула зброі і боепрыпасаў.
У балгарскім горадзе Лясковец загарэўся склад зброевага завода «Аркус». Пра інцыдэнт паведамляе мясцовае выданне «факты».
Паведамленне аб узгаранні паступіла а 12.40 паводле менскага часу. Удакладняецца, што полымя не кранула зброі і боепрыпасаў, небяспекі выбуху няма.
Выканаўчы дырэктар завода Банко Банкоў запэўніў, што небяспекі населеным пунктам і навакольнаму асяроддзю пажар не нясе. «Людзі былі эвакуяваныя, ніхто не пацярпеў», - дадаў ён.
Паводле папярэдніх звестак, інцыдэнт быў зафіксаваны на складзе кардоннай упакоўкі.
Раней паведамлялася, што пракуратура Балгарыі западозрыла шасцярых расейцаў у арганізацыі серыі выбухаў, учыненых у перыяд з 2011 да 2020 года на зброевых заводах і складах краіны, дзе захоўваўся тавар прадаўца зброі Емяльяна Гебрава.
Пазней стала вядома, што расейскага амбасадара выклікалі ў МЗС Балгарыі.