У Менску гарэў яслі-садок
5- 27.04.2021, 18:29
- 14,450
У момант пажару ў садку было амаль 130 дзяцей.
Узгаранне адбылося ў Менску ў дзіцячым садку ў аўторак, 27 красавіка, паведаміла прэс-служба Менскага гарадскога УМНС.
У яслях на вуліцы Дзянісаўскай спрацавала пажарная сігналізацыя, адразу ж а 14.33 выратавальнікам патэлефанавалі работнікі дзіцячага садка. Пажарныя, якія прыбылі, разам з адміністрацыяй эвакуіравалі 153 чалавекі, 128 з якіх былі дзеці.
Пажар здарыўся на першым паверсе ў памяшканні электрашчытавой - загарэлася ўступная размеркавальная прылада. Пры аглядзе, убачылі дым сярэдняй канцэнтрацыі, што цягнуўся з памяшкання электрашчытавой.
Загарэлася прылада ў электрашчытавой, магчыма, праз кароткае замыканне. Фота: МНС.
- Супрацоўнікі МНС аператыўна лакалізавалі і ліквідавалі пажар а 14.52 з дапамогай парашковага вогнетушыцеля. Агонь пашкодзіў саму прыладу, закапціў электрашчытавую. Прычына пажару высвятляецца, - пракаментавалі ў прэс-службе.
Папярэдне пажар адбыўся праз кароткае замыканне электраправодкі.
На фота, якое апублікавала прэс-служба УМНС, трапілі і кадры з выхаванцамі дзіцячага садка. Дзеці, якіх эвакуявалі праз пажар, з выхавацелямі стаяць у вялікай крытай альтанцы, яны ўсё ў верхняй вопратцы, некаторыя праз прахалоднае надвор'е нават нацягнулі капюшоны. Пасля ліквідацыі пажару яны дружна пад наглядам ратавальнікаў вярнуліся назад у яслі-сад. Відавочна, дзеці НЗ не спалохаліся.