У Літве перахапілі буйную партыю беларускіх цыгарэт
25- 26.04.2021, 19:04
- 26,288
Цыгарэты знайшлі па дзіўным гуку.
Літоўскія мытнікі выявілі чарговую партыю нелегальных цыгарэт з Беларусі. Кантрабандысты змаглі здзівіць тым, што, відавочна, у іх скончылася фантазія: за пару дзён яны двойчы спрабавалі пераправіць груз праз мяжу ў аднолькавых схованках. Першым разам мытня канфіскавала 400 тысяч пачкаў беларускіх цыгарэт, цяпер - яшчэ 500 тысяч пачкаў на 1,7 млн еўраў. Падрабязнасці прыводзіць літоўская мытня, паведамляе onliner.by.
Усё адбылося ў пункце пропуску «Шальчынінкай». За стырном грузавіка Scania быў беларус, які распавёў, што вязе драўняна-стружкавыя пліты. Мытнікі наважылі праверыць груз - пару дзён таму ў аналагічным грузавіку на пасту «Райгардас» знайшлі кантрабанду. Падазрэнні падмацоўваліся яшчэ і тым, што, калі ступіць на груз, быў незвычайны прыглушаны гук.
Рэнтгенкантроль паказаў, што драўляныя панэлі былі ўсяго толькі прыкрыццём для кантрабанды, а ў схованках былі цыгарэты.
Пачатае дасудовае расследаванне, кіроўца арыштаваны на месяц.