Беларуска Дар'я Жук стане рэжысёрам серыяла пра 1990-я на замову Netflix
- 13.04.2021, 14:20
- 3,420
Яна стала вядомай дзякуючы фільму «Крышталь».
Дар'я Жук з Беларусі стане рэжысёрам новага праекта Netflix. Яна здыме серыял пра 1990-я на замову гэтага стрымінгавага сэрвісу, паведамляе «Коммерсантъ».
Netflix упершыню наважыў замовіць вытворчасць серыялаў у Расеі. Раней гэты сэрвіс проста набываў права на гатовыя працы.
Цяпер абмяркоўваюць чатыры-пяць праектаў з расейскімі прадусарамі. Адзін з іх - гэта драматычная гісторыя, якая адбываецца ў 1990-х, паводле сцэнару Міхаіла Шпрыца.
Ён спрабаваў прасунуць свой сцэнар на расейскіх відэаплатформах, але беспаспяхова. Выпускаць серыял будзе кінакампанія «Рускае». Рэжысёрам выступіць Дар'я Жук, вядомая драмай «Крышталь», якая ў 2018 годзе вылучалася на «Оскар» ад Беларусі.