Герасіменя выставіла свой залаты медаль на дабрачынным аўкцыёне
3- 12.04.2021, 15:53
- 3,616
Сёння апошні дзень, калі можна зрабіць стаўкі.
Адна з самых славутых спартовак у гісторыі Беларусі Аляксандра Герасіменя выставіла на дабрачынны аўкцыён свой залаты медаль з чэмпіянату свету ў плаванні. За медаль прапануюць ужо больш за 15 тысяч даляраў, да канца аўкцыёну - дзень. Зрабіць сваю стаўку за гэты гістарычны лот можна на Ebay, піша тэлеграм-канал Nexta.
Нагадаем, што Аляксандра Герасіменя - адная з асоб руху беларускіх спартоўцаў за сумленныя выбары і супраць гвалту. Яна ўзначаліла Беларускі фонд спартыўнай салідарнасці, які абараняе беларускіх спартоўцаў ад рэпрэсій, карае лукашыстаў за неправамерныя дзеянні і фінансуе падрыхтоўку топавых атлетаў, якія пераследуюцца ўладамі.
Герасіменя выставіла медаль на дабрачынны аўкцыён у якасці адказу на крымінальную справу, распачатую супраць яе - і ў падтрымку агульнанацыянальнай кампаніі за здаровы лад жыцця (абавязкова далучайцеся!).