У Міністэрстве аховы здароўя Польшчы заявілі пра амаль 100% эфектыўнасці вакцын ад COVID-19
2- 11.04.2021, 17:38
- 5,742
У краіне зрабілі больш за 7,63 мільёнаў прышчэпак.
У Польшчы вакцынацыя супраць каранавіруса паказала эфектыўнасць у больш чым 99% выпадкаў. Пра гэта 11 красавіка ў Twitter паведаміў міністр аховы здароўя Адам Нядзельскі.
«У групе з больш за 5,5 млн вакцынаваных людзей толькі 51 тысяча атрымала станоўчы тэст на COVID-19, гэта значыць 0,9%», - напісаў ён.
Do tej pory w grupie ponad 5,5 mln zaszczepionych jedynie 51 tys osób wykazało dodatni wynik testu na #COVID19, czyli 0,9%. Ponad połowa tych zakażeń nastąpiła w okresie do 14 dni po pierwszej dawce. Oznacza to w uproszczeniu, że poziom ochrony przekracza 99%.#szczepimysie pic.twitter.com/qDnBtL8lw1
— Adam Niedzielski (@a_niedzielski) April 11, 2021
Больш за палову выпадкаў заражэння каранавірусам адбылася на працягу 14 дзён пасля ўвядзення першай дозы прэпарата.
«Простымі словамі - гэта значыць, што ўзровень абароны перавышае 99%», - адзначыў Нядзельскі.
На 11 красавіка ў Польшчы зрабілі больш за 7,63 млн прышчэпак ад COVID-19, амаль 2,1 млн чалавек атрымала дзве дозы прэпарата супраць каранавіруса.
