Стала вядома, якія дамы могуць прызнаць пустымі і могуць канфіскаваць

Будзе працаваць спецыяльная камісія.

Раней сайт kp.by ўжо паведамляў пра тое, што быў падпісаны ўказ аб адчужэнні дамоў у вёсцы, што пустуюць.

Беларускія ўлады ўважаюць, што не патрэбныя ранейшым уладальнікам дамы ў вёсках, для іншых стануць развязаннем жыллёвага пытання, а заадно і развязаннем праблемы вымірання вёсак.

У інтэрв'ю sb.by прадстаўніца Менскага аблвыканкама распавяла, паводле якіх крытэраў у Беларусі дамы будуць прызнавацца пустымі або трухлявымі.

- Пустыя прызнаюцца жылыя дамы, у якіх уладальнікі не пражывалі ніводнага дня на працягу апошніх трох гадоў, - патлумачыла Алена Спірчанкова, галоўная спецыялістка ўпраўлення ЖКГ, энэргетыкі і паліва Мінаблвыканкама.

Пры гэтым да старых дамоў будуць прылічаць жыллё ў аварыйным стане, якое можа абваліцца, нават калі ўладальнік жыў там крыху больш за год таму. А, акрамя таго, не прымае захадаў у зносе або рэканструкцыі дома.

Выяўляць жыллё для адчужэння будуць спецыяльныя камісіі пры райвыканкамах. Спачатку дамы будуць уключаць у рэестр пустых і старых, а затым і прадаваць. Нагадаем, прадаваць канфіскаванае жыллё будуць за адну базавую велічыню ці за 29 беларускіх рублёў. Стартавым на аўкцыёне будзе рынкавы кошт дома, але ён зможа паслядоўна зніжаць аж да 1 базавай.

Дарэчы, плануецца, што праз пару гадоў, у студзені 2023-га года ў Беларусі будзе створаны і пачне працаваць Адзіны рэестр пустых дамоў. У поўную базу будуць загружаць увесь пералік адчужанага жылля з фота і апісаннямі. Пакуль жа шукаць звесткі пра пустую нерухомасць лепш на афіцыйных сайтах райвыканкамаў.

Пасля куплі такога жылля ў новага ўладальніка будзе год на рэканструкцыю або капрамонт дома і гаспадарчых пабудоў, навядзенне парадку. Аднак пераязджаць у дом на ПМЖ неабавязкова, гэта можа быць лецішча.