Беларускія цыгарэты на больш за 100 тысяч даляраў канфіскавалі ў Польшчы
23- 9.03.2021, 21:55
- 8,944
Іх везлі з Беларусі ў Польшчу ў грузавых цягніках.
За апошнія некалькі дзён польскія памежнікі і мытнікі затрымалі пяць партый цыгарэт у Тэрэспалі. Іх везлі з Беларусі ў Польшчу ў грузавых цягніках. Усяго было канфіскавана амаль 29,4 тысячы пачкаў цыгарэт. Іх кошт ацэньваюць у 440 тысяч злотых (амаль 115 тысяч даляраў), паведамляе strazgraniczna.pl.
У трох выпадках цыгарэты былі схаваныя ў вагонах з дранкай, у адным - у бетонных блоках. Яшчэ ў адным выпадку 12,4 тысячы пачак цыгарэт выявілі ў вагоне з ДВП.
Акрамя гэтага, партыю цыгарэт на 17 тысяч даляраў выявілі ў грузавым цягніку ў Белай Падлясцы, паведамляе Люблінская мытня.