У ЗША прышчэпленым ад каранавіруса дазволілі размаўляць без дыстанцыі і масак

У ЗША ўжо 30 мільёнаў людзей лічацца цалкам прышчэпленымі ад каранавіруса.

У ЗША асобы, якія цалкам прышчапіліся ад каранавіруса, могуць мець зносіны з іншымі прышчэпленымі грамадзянамі без масак і захавання сацыяльнай дыстанцыі. Але на вуліцы маскі апранаць усё адно давядзецца.

Пра гэта паведамляе Reuters.

У цэнтры кантролю і прафілактыкі захворванняў заявілі, што прышчэпленым можна знаходзіцца ў адным памяшканні без масак і неабходнасці захоўваць дыстанцыю. Акрамя гэтага, прышчэпленыя могуць не апранаць маскі ў памяшканнях, дзе ёсць асобы, якія яшчэ не атрымалі прышчэпку, калі яны не ўваходзяць у зону рызыкі заражэння і жывуць разам.

Пры гэтым вакцынаваным жыхарам рэкамендуецца насіць маскі і захоўваць дыстанцыю ў грамадскіх месцах і пры сустрэчах з непрышчэпленымі асобамі, з якімі яны не жывуць разам. Таксама прышчэпленым варта не трапляць у буйныя зборы людзей, не ездзіць па краіне і за яе межы.

Цалкам прышчэпленымі ад каранавіруса лічацца жыхары, якія атрымалі дзве дозы прэпаратаў Pfizer або Moderna, альбо ж адну дозу вакцыны Johnson&Johnson.

У ЗША ўжо 30 мільёнаў людзей лічацца цалкам прышчэпленымі ад каранавіруса, гэта 9,2% ад агульнай колькасці насельніцтва ЗША. 58,9 мільёнаў дарослых жыхароў атрымалі хаця б адну дозу вакцыны.