Паўночная Македонія зарэгістравала расейскую вакцыну «Спадарожнік V»
5- 7.03.2021, 13:24
- 1,536
У цяперашні час расейская вакцына ўхваленая ў 46 краінах.
У Паўночнай Македоніі ўлады ўхвалілі выкарыстанне расейскай вакцыны «Спадарожнік V» супраць каранавірусу. Пра гэта паведамілі ў Расейскім фондзе прамых інвестыцый (РФПІ), паведамляе РБК.
«РФПІ абвяшчае пра рэгістрацыю расейскай вакцыны “Спадарожнік V” супраць каранавірусу ў Рэспубліцы Паўночная Македонія», – гаворыцца ў паведамленні фонду.
Адзначаецца, што рэгістрацыя прэпарату была ажыццёўленая ў рамках паскоранай працэдуры (emergency use authorization, EUA).
У цяперашні час «Спадарожнік V» ухвалены ў 46 краінах з агульным насельніцтвам больш за 1,2 млрд чалавек.