Папа рымскі выступіў у былой «сталіцы» баевікоў ІД
- 7.03.2021, 11:39
- 1,274
Пантыфік звярнуўся да вернікаў на плошчы, дзе яшчэ відаць сляды разбурэнняў.
Папа рымскі Францішак, які здзяйсняе першы ў гісторыі візіт кіраўніка Рымска-каталіцкай царквы ў Ірак, у нядзелю, 7 сакавіка, прыбыў у горад Масул на поўначы краіны.
Пра гэта паведамляе Sky News у Twitter.
Папа выступіў перад вернікамі на плошчы. Каля яго відаць руінаў некалькіх цэркваў, якія былі знішчаныя або сур'ёзна пашкоджаныя ў баях за горад.
Увечары 7 сакавіка папа адслужыць імшу на стадыёне ў горадзе Арбіл.
BREAKING: Pope Francis has arrived in Mosul on his tour of Iraq, a former stronghold of terror group Islamic State.@Stone_SkyNews has the latest.
— Sky News (@SkyNews) March 7, 2021
Read more: https://t.co/PXo8bx85RH pic.twitter.com/xztnfX0cgJ
Горад Масул – гэта буйны горад, які знаходзіўся пад кантролем баевікоў тэрарыстычнай арганізацыі Ісламская дзяржава. Менавіта ў Масуле былы кіраўнік ІД, забіты пасля ў выніку спецаперацыі ЗША, Абу-Бакр аль-Багдадзі ў 2014 годзе абвясціў так званы «халіфат». Масул быў вызвалены іракскай арміяй пры падтрымцы міжнароднай кааліцыі ў 2017 годзе.
Папа Рымскі прыбыў з гістарычным чатырохдзённым візітам у Ірак 5 сакавіка. У праграме ягонага знаходжання – сустрэчы з прадстаўнікамі кіраўніцтва краіны і духавенства.
Гэта першы візіт у Ірак кіраўніка каталіцкай царквы і першая паездка пантыфіка за мяжу з пачатку пандэміі COVID-19.