Facebook спросціць доступ да храналагічнай стужкі навін

Падобная опцыя была даступная карыстальнікам Facebook да 2009 года.

Кампанія Facebook абвясціла пра новыя функцыі, якія дазволяць карыстальнікам прасцей пераходзіць да храналагічнага парадку адлюстравання навін у стужцы. Пра гэта гаворыцца ў паведамленні кампаніі.

Для больш лёгкага пераключэння паміж стужкай навін з алгарытмічным ранжыраваннем і стужкай, адсартаванай у храналагічным парадку, з'явіцца адмысловая панэль Feed Filter Bar. Яна будзе з'яўляцца уверсе пры пракручванні стужкі навін.

Кампанія адмовілася ад храналагічнага рэжыму паказу навін у 2009 годзе, аддаўшы перавагу ранжыраваць алгарытм. Опцыя храналагічнага рэжыму засталася, але была схаваная ў меню наладаў.

Яшчэ адным новаўвядзеннем стане магчымасць дадаваць у спіс Favorites да 30 старонак людзей або арганізацый. Гэта дазволіць іх допісам з'яўляцца вышэй у стужцы навін, калі яна ў ранжыраваным рэжыме.

Акрамя гэтага Facebook дадасць функцыю, якая дазваляе абмяжоўваць каментары да допісаў. Можна будзе выбіраць - усё, сябры ці канкрэтныя людзі або старонкі, якія адзначаны ў допісе.

Для карыстальнікаў Android новыя функцыі ўжо даступныя, карыстальнікам iOS давядзецца пачакаць некалькі тыдняў, удакладняе Facebook.