Экс-міністр працы: Улада загнала сябе ў пазыковую кабалу

На Усходзе яе перасталі карміць, а на Захадзе ніхто нічога не даваў.

Стала вядома аб тым, што ў Беларусі зафіксаваны гістарычны мінімум занятых у эканоміцы. Людзям усё цяжэй знайсці працу, а наймальнікам усё цяжэй знайсці працаўнікоў. Сайт Charter97.org пагаварыў з экс-міністрам працы Беларусі Аляксандрам Сасновым аб становішчы беларускіх работнікаў.

- Вы былі міністрам працы ў пачатку 90-х, заспелі цяжкія часы для нашай эканомікі, ці шмат агульнага ў той сітуацыі і цяперашняй?

- Цікавае пытанне. Ды не, мяркую. Тады было выкінута шмат людзей з прадпрыемстваў без перспектыў. Цяпер ужо многія падрыхтаваліся да такіх перспектыў. Хіба, што толькі старыя адны, якія засталіся і трошкі трымаюцца за старую вытворчасць. Моладзь дастаткова прасунулася. Таму розніца ёсць і даволі істотная.

- Як вы ацэньваеце сітуацыю на рынку працы ў Беларусі?

- Праблема ў тым, што перспектыў не відаць. Улады падтрымліваюць старыя мала канкурэнтаздольныя прадпрыемствы. Там малы попыт на прадукцыю. Рана ці позна, гэта прывядзе да таго, што людзі будуць выкінутыя з прадпрыемстваў. З іншага боку, на гэтых прадпрыемствах такіх людзей шмат, таму ўлады ўсякім коштам спрабуюць падтрымаць іх, хоць гэта прычыняе шкоду цалкам усёй эканоміцы.

- У Беларусі зафіксаваны гістарычны мінімум занятых у эканоміцы. Атрымліваецца, што ёсць рабочая сіла, але няма прапаноў, ці, лепш сказаць, ёсць прапановы, але яны не падыходзяць пад крытэры працоўнай сілы. Як гэта ўплывае на эканоміку?

- Мабыць, другое. Попыт на працы, якія людзі хацелі б мець, не задавальняецца. Тут ёсць таксама пэўныя расслаенні. Напрыклад, ёсць прапановы такія, асабліва ў IT-сферы, за якія мала хто можа ўзяцца.

Акрамя ўсяго іншага, ёсць такія спецыяльнасці, для якіх прапаноў няма, але сумежныя нейкія ёсць, дзе можна было б пайсці і папрацаваць. Прапановы ёсць, але агулам яны мала задавальняюць працоўную сілу.

Чаму зменшылася колькасць? Таму што многія з'ехалі з краіны і знайшлі прапановы сваім сілам зусім у іншым месцы. Там добрыя ўмовы працы.

- У Беларусі прадаўжаецца працоўная міграцыя. На вашу думку, чаму тэндэнцыя міграцыі прадаўжаецца? Чым пагражае такі адток кадраў?

- Я акурат сёння чытаў на адным сайце, чаму ІТ-спецыялісты з'язджаюць у Польшчу. Вельмі многія выказаліся, што працаваць у Польшчы прывабней у эканамічным сэнсе. Там зусім свабодна сябе адчуваеш. Як адзін сказаў, там ты не чакаеш, што ты працуеш-працуеш, а да цябе прыйдуць і арыштуюць.

У Беларусі ўмовы для моладзі мала падыходзяць, праз што людзі імкнуцца з'язджаць і будуць прадаўжаць з'язджаць. Гэта пагражае тым, што мы будзем стагнаваць. Разумееце, маладога прытоку ў эканоміку мала, а старыя паступова сыходзяць. Эканоміка будзе стагнаваць усё больш у тым жа духу, як было апошнія 25 гадоў.

Фінансавы стан дзяржавы прыкметна пагоршыўся. Карміць яе перасталі з Усходу, а на Захадзе, натуральна, ніхто нічога не даваў. Цяперашняя ўлада загнала сябе ў пазыковую кабалу. Напазычалі столькі, што бюджэт ледзь спраўляецца. Гэта ўлады давялі сітуацыю да такога стану.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]