Ілан Маск паабяцаў, што Tesla абгоніць Apple
1- 27.03.2021, 20:07
- 2,132
Маск заявіў, што Tesla стане найбуйнейшай кампаніяй у свеце.
Ілан Маск заявіў у Twitter, што Tesla можа стаць самай буйной кампаніяй у свеце. Прычым здарыцца гэта можа на працягу некалькіх месяцаў, перадае CNBS.
Другі допіс пра тэрміны быў выдалены, але яго паспелі сфатаграфаваць. У першым жа допісе Маск сцвярджае, што шанцы Tesla стаць найбуйнейшай кампаніяй зусім не нулявыя. Гэта значыць, што аўтавытворца цаляе на месца Apple, якая надоечы, дарэчы, абагнала ў даходзе нафтавую кампанію Saudi Aramco.
Апошнім часам Маску даводзіцца больш старанна думаць пра тое, што публікаваць у Twitter. Кагадзе на яго падаў у суд інвестар Tesla, які разважыў, што «бязладныя» допісы Маска ставяць кампанію пад мільярдную рызыку. Таксама прадпрыемца прымусілі выдаліць допіс з крытыкай прафесійных звязаў у Tesla.