Беларускіх кіроўцаў могуць пазбаўляць пасведчанняў за абгон
29- 16.03.2021, 19:15
- 18,434
Толькі ў Магілёўскай вобласці 70 кіроўцаў могуць страціць пасведчанне кіроўцы праз парушэнне правілаў абгону.
У ДАІ распавялі пра пазбаўленне аўтааматараў пасведчанняў кіроўцы ў Беларусі за парушэнне правілаў абгону.
Адна з масавых праверак такіх парушальнікаў прайшла ў Магілёўскай вобласці ў мінулую пятніцу і выходныя, з 12 да 14 сакавіка ўключна. «Трапіліся» 70 чалавек, ім цяпер пагражае пазбаўленне правоў.
Узмацніўшы кантроль за сітуацыяй на дарогах Магілёўшчыны, інспектары надавалі асаблівую ўвагу выяўленню парушэння правілаў абгону і выезду на сустрэчную.
- У рамках змешанага кантролю за бяспекай дарожнага руху да адміністратыўнай адказнасці прыцягнута 70 кіроўцаў, якія парушылі правілы абгону, - канстатавалі ў прэс-службе.
Рашэнне аб пазбаўленні таго ці іншага парушальніка пасведчання кіроўцы будзе прымацца спецыяльнай камісіяй.
- Абгон - даволі складаны манеўр. Памылка пры яго здзяйсненні можа абярнуцца самымі сур'ёзнымі наступствамі. Перш чым пачаць абгон, важна пераканацца, што гэта будзе бяспечна для ўсіх, - нагадалі ў ДАІ.