Белы дом: ЗША ўмацуюць усходні фланг NATO ў выпадку ўварвання Расеі ва Украіну
9- 6.12.2021, 21:37
- 5,332
Апроч гэтага, Вашынгтон можа падтрымаць Кіеў новымі пастаўкамі зброі.
ЗША ўмацуюць усходні фланг NATO ў выпадку ўварвання Расеі ва Украіну. Апроч гэтага, Вашынгтон можа падтрымаць Кіеў новымі пастаўкамі зброі.
Пра гэта паведамляе Gazeta Prawna.
«Пасля 2014 года ў нас была прынятая Еўрапейская ініцыятыва стрымлівання, якая прадугледжвала ўзмацненне разгортвання зменных войскаў на тэрыторыі хаўруснікаў на ўсходнім флангу NATO», - цытуе выданне прадстаўніка Белага дома.
З ягоных слоў, у выпадку ўварвання Расеі ва Украіну ЗША і хаўруснікі ў NATO ўзмоцняць працу што да бяспекі ў рэгіёне. Пры гэтым ён не ўдакладніў, пра якія менавіта меры ідзе размова. У той жа час прадстаўнік Белага дома дадаў, што ў якасці адказу на расейскую агрэсію Вашынгтон будзе гатовы падтрымаць Кіеў новымі пастаўкамі ўзбраенняў.
Пры гэтым ён падкрэсліў, што ЗША не збіраюцца ўмешвацца ў магчымы ўзброены канфлікт.