На польска-беларускай мяжы з'явіліся эстонскія вайскоўцы
1- 6.12.2021, 15:42
- 3,514
У іх задачу ўваходзіць узвядзенне і рамонт загарод.
Эстонскія вайскоўцы прыбылі ў Польшчу для аховы мяжы з Беларуссю. Мэтавая група «ЗУБР» - гэта кантынгент эстонскіх войскаў, які падтрымлівае польскіх памежнікаў у абароне мяжы ад нелегальнай міграцыі. Іх асноўная задача - будаўніцтва і рамонт часовай загароды, паведамілі польскія вайскоўцы.
Zgrupowanie zadaniowe „ŻUBR” to kontyngent wojsk estońskich, który wspiera nas w ochronie granicy przed nielegalną migracją. Ich główne zadanie to budowa i naprawa tymczasowego ogrodzenia. Dziękujemy! 🇵🇱🤝🇪🇪 pic.twitter.com/FbtxnOKaAm
— 18 Dywizja Zmechanizowana (@Zelazna_Dywizja) December 6, 2021
У склад эстонскага кантынгенту, які налічвае амаль 70 чалавек, уваходзяць інжынеры, выведчыкі і вайсковыя карэспандэнты. Ядро падраздзялення сфармаванае вакол інжынернага ўзвода, у склад якога таксама ўключылі блізу 20 рэзервістаў-добраахвотнікаў.