Бельгійскі Гент стане моладзевай сталіцай Еўропы 2024 года
- 6.12.2021, 14:13
- 1,112
Для горада гэта азначае паспяховасць яго развіцця сучаснай моладзевай культуры.
Бельгійскі горад Гент прыме тытул моладзевай сталіцы Еўропы ў 2024 годзе. Для горада гэта азначае паспяховасць яго развіцця сучаснай моладзевай культуры і арганізацыі найлепшых практык у развіцці сацыяльнай, эканамічнай, палітычнай актыўнасці моладзі, піша «Еўра пульс».
Адной з галоўных прычын, паводле якой бельгійскі горад атрымаў тытул, - нядаўняя пастанова краіны знізіць узроставы цэнз на еўрапейскіх выбарах да 16 гадоў.
Важную ролю таксама адыграў праект Гента пад назвай «Мы – горад». У ім гарадская моладзевая рада была прызнаная ў якасці кансультатыўнага органа разам з іншымі рэгіянальнымі і еўрапейскімі моладзевымі партнёрствамі.
Тытул моладзевай сталіцы Еўропы прысуджаецца Еўрапейскім моладзевым форумам з 2009 года. Першай моладзевай сталіцай стаў Ратэрдам (Нідэрланды). У 2021 годзе гэты тытул носіць Клайпеда (Літва); налета яе зменіць Тырана (Албанія), а ў 2023 годзе моладзевай сталіцай стане Люблін на ўсходзе Польшчы.