Кошты нафты Brent упалі ніжэй за $66 за барэль
5- 2.12.2021, 17:42
- 3,910
Нафтавыя каціроўкі абрынуліся больш як на 4%.
Кошт лютаўскага ф'ючэрса на нафту маркі Brent на лонданскай біржы ICE ў моманце падаў на 4,5%, да $65,8 за барэль. Пра гэта сведчаць звесткі таргоў на біржы. Аднак амаль адразу кошт вырас больш чым на даляр - па стане 17:11 мск на ф'ючэрсы на нафту губляюць 2,3% і таргуюцца на ўзроўні $67,3 за барэль, паведамляе РБК.
Зніжэнне каціровак пачалося пасля паведамлення аб тым, што краіны ОРЕС+ амаль прыйшлі да пагаднення прадоўжыць запланаванае раней павелічэнне здабычы ў студзені на 400 тысяч барэляў на дзень. Аб гэтым паведаміла агенцтва Reuters са спасылкай на свае крыніцы.
У траўні 2020 года найбуйнейшыя вытворцы нафты дамовіліся скараціць здабычу на рэкордныя 9 700 000 барэляў на дзень з наступным паступовым павелічэннем здабычы. Міністры краін ОРЕС+ кожны месяц ладзяць сустрэчы, каб прыняць пастанову аб узроўні здабычы на наступны месяц. Пачынаючы са жніўня 2021 года, удзельнікі пагаднення павялічвалі здабычу на 400 тысяч барэляў за дзень на месяц.